Retiros espirituais curso
2016/2017
As
5 Delegacións de Apostolado Seglar das dioceses que compoñen a provincia
eclesiástica galega (Santiago de Compostela, Lugo, Mondoñedo-Ferrol, Ourense e
Tui-Vigo) organizan durante este curso 2016/2017, catro retiros espirituais.
Os primeiros serán ás portas de advento, na Casa Diocesana de Exercicios de Lugo, do 25 ao 27 de novembro
de 2016; os seguintes en tempo de nadal, do 2 ao 5 de xaneiro de 2017, na Casa Diocesana de Exercicios de
Santiago de Compostela. Despois haberá un retiro no tempo
forte de coresma, do 10 ao 12 de marzo, no mosteiro de Santa María
de Sobrado dos Monxes (Patrimonio da Humanidade) e os últimos serán no tempo pascual,
do 30 de abril ao 2 de maio, na Casa de espiritualidade Santa María do Mar (Dorrón –
Sanxenxo).
A
comuñón eclesial faise tamén con xestos como o de coorganizar estes retiros,
que neste curso fan por primeira vez de forma conxunta as 5 delegacións
diocesanas de Galicia. É unha forma de que os seglares de diferentes lugares e
procedencia (de parroquias, de movementos e asociacións, amigos, etc.) coñezan
e poidan participar activamente neste tipo de encontros profundos cun mesmo, co
Señor e cos irmáns.
Os horarios e ponentes son os seguintes:
- Do venres 25 ao domingo 27 de novembro de 2016,
retiro espiritual na Casa Diocesana de Exercicios de Lugo, impartido por D. Manuel Regal, Lic. en teoloxía bíblica e
autor de varios libros espirituais.Comezamos o
venres 25 de marzo ás 19:00 e rematamos o domingo 27 de marzo co xantar,
ás 16:00. O comezo das charlas-meditacións será o sábado ás 10 da mañá e
ás 16:30 da tarde, a eucaristía será ás 19:30 e o domingo comezaremos ás
10 da mañá. A pensión completa de todo o retiro é de 76 € e son 12 € se é
só un xantar e 10 € se é só unha cea.
- Do luns 2 ao xoves 5 de xaneiro de 2017, retiro
espiritual na Casa Diocesana de Exercicios de Santiago de Compostela,
impartido polo sacerdote D. Antonio Cano.
Comezamos o luns 2 de xaneiro ás 13:00 e rematamos o xoves 5 de xaneiro co
xantar, ás 16:00. A pensión completa de todo o retiro son 120 €, e para
estudantes ou desempregados son 90 €.
- Do venres 10 ao domingo 12 de marzo de 2017, retiro
espiritual en Sobrado dos Monxes, impartido polo prior, D. Carlos Gutiérrez Cuartango. Comezamos o venres
10 de marzo coa oración das vísperas coa comunidade do monxes, ás 19:00,
pero convén chegar antes para situarse no lugar e nas habitacións; e
rematamos o domingo 12 de marzo co xantar, ás 16:00. A pensión completa de
todo o retiro é 90 €.
- Do domingo 30 de abril ao martes 2 de maio de 2017,
retiro espiritual na Casa de espiritualidade Santa María do Mar, en Dorrón
– Sanxenxo. Comezamos o domingo 30 de abril pola tarde e rematamos o
martes 2 de maio. A pensión completa de todo o retiro é de 70 €.
Tedes aquí a convocatoria: Apostolado Seglar díptico
ejercicios_17, pero quen teña dúbidas ou queira máis información,
pode enviar un correo electrónico ou chamar por teléfono:
- Retiros de
Lugo e Sobrado dos monxes: laicos@diocesisdelugo.orgou belsaivi@yahoo.es e 639938216 ou
649045880
- Retiro de
Santiago de Compostela: javierporro@archicompostela.orgou
680429626
- Retiro de
Dorrón – Sanxenxo: xanxog@hotmail.com ou
660257548
Aproveitemos estos encontros persoais e
espazos de oración e silencio, para coidar a nosa interioridade cara unha maior
cercanía con Deus e os demais.
No hay comentarios:
Publicar un comentario